日本人正式告别OT文化?谂下好喇!

时尚
网络
2019年02月04日 15:48

近年日本「社蓄」文化举世瞩目,当中员工因工时长以致过劳死,甚至自杀嘅例子亦偶有发生。嚟紧好快就会有套关于「加班问题」嘅日剧开拍,由外型清纯甜美嘅傻大姐吉高由里子主演,剧名开宗明义叫《我,准时收工》(わたし、定时で帰ります。)。

故事改编自朱野归子同名小说,吉高首度挑战OL角色,于剧中坚守「唔会赌上生命去工作」嘅宗旨,每日都坚持准时下班,坚拒超时工作,不过唔代表佢做嘢hea,正因为想准时返屋企,佢比其他人更集中更追求效率,以唔麻烦同事为目标,剧集将于4月播出,相信会引起好多打工仔共鸣!

准时下班,係大部分打工仔遥不可及嘅愿望!就算你极速K.O.晒所有工作,但意外就係意料之外,愈近下班钟数,意外风险就倍数增加!到底点样先可以避开公司耳目「早走」,同时远离突发性工作?可以试试以下5个步骤:

1.编好剧本

首先要谂定起码10个独特又可以令你尽早离开公司嘅故事,唔好讲「我今天有啲唔舒服」、「我想去睇医生」之类,一听就知流流哋,要详尽仔细,例如「我大腿湿疹突然复发流哂血」、「我个胃抽筋,好似畀针拮咁痛」等,当不幸被捉到时,呢啲理由就大派用场喇。

2.保持低调

你可能习惯同事say bye,但为免露出马脚,要保持低调唔可以畀大家望住你走,所以唔好用大门,最好走后楼梯或侧门静静离开,走前最好留件外套喺椅背扮下嘢。

3.「扮」工檯之摆位

要令人经过你座位时,有种「佢应该去咗洗手间」嘅感觉,打开电脑,放支笔喺隔离,仲有半杯咖啡未饮完…保持电脑开启或设计一个似「扮紧工」嘅screen saver。

4.心理质素

准时下班会内疚?谂下你脑细可能之前因为睇波而早走迟返,或你平日要等脑细收工先走得,都唔知等咗你几多时间啦!

5.建立勤力形象

为要回覆嘅email预设发送时间,最好係正式收工前半粒钟,令收到CC email嘅同事以为你仲做紧嘢,仲做到好夜添,畀人勤力工作嘅感觉,为下次早走作准备!

图片来源:わたし、定时で帰ります

千炮捕鱼棋牌©部分网站内容来自网络,如有侵权请联系我们,立即删除!
工作 打工仔 同事
你该读读这些:一周精选导览
更多内容...

TOP

More